Gazeta RD
Lideri i opozitës, Sali Berisha ka hedhur akuza ndaj drejtuesit të SPAK, Altin Dumani, duke e cilësuar si bashkëpunëtor në krimin elektoral së bashku me kryeministrin Edi Rama.
Në konferencën me gazetarët, Berisha u shpreh se kallëzimet penale të opozitës janë injoruar sistematikisht nga “Skapi i partisë”, siç e cilësoi ai SPAK-un, duke e akuzuar këtë institucion për selektivitet dhe përfshirje direkte në mbrojtjen e manipulimeve zgjedhore.
“Tani, për sa u përket kallëzimeve penale të opozitës, ato janë bërë njëlloj përralle.
Ato i fut turshi të gjitha Skapi i partisë. Ju e dini.
Nuk merret Skapi me kallëzimet penale.
Ata janë vetë krimi elektoral.
Altin Dumani udhëheq krimin elektoral në Skap bashkë me Edi Ramën.
Por qëndrimet do mbahen. Sigurisht do vlerësohen sipas rastit.
Nuk ka diskutim që do mbahet çdo qëndrim ligjor që i takon një force që i përmbahet shtetit ligjor.
A do shkojnë apo jo në Skap, atë nuk mund të them se do vendosin ata… kjo është bërë mbi bazën e kërkesave individuale të kandidatëve”, tha Berisha.
