Gazeta RD
Masakra mjedisore në Elbasan dhe Vlorë/ Berisha: Edhe ky krim i rëndë është amnistuar nga Altin Troplini
Gjatë fjalës së tij nga SPAK ku u paraqit për masën e sigurisë, kreu i Partisë Demokratike Sali Berisha u shpreh lidhur me situatën e krijuar nga zjarri në landfill në Elbasan e Vlorë. Sipas Berishës, kjo masakër mjedisore është amnistuar nga Altin Dumani.
“Tani, siç jeni informuar për 6 ditë me radhë, qytetarët e Elbasanit pësuan agresionin toksik më të madh në historinë e atij qyteti.
Ky krim i rëndë mjedisor, sikundër krimi i rëndë ciklik mjedisor në Vlorë, nuk ekziston për Altin Troplinin, paçka se ligji, krimet mjedisore ia kërkon këtij institucioni sepse i ka shpallur krime të rënda.
Pra, ky mercenar i Edi Ramës, ka vendosur institucionin në funksion fund e krye të partisë së krimit dhe të qeveritarëve të krimit.
Të digjen fusha e plehrave në Vlorë çdo 3 muaj, të marrin vlonjatët gjer dhe dioksinë mund të ketë në ato plehra dhe mund të krijohet nga djegia. Pa diskutuar pastaj efektet e mirëfillta kancerogjene nga djegiet, të gjitha këto nuk ekzistojnë sepse ky është një peng i verbër i Edi Ramës dhe Ulsi Manjës”, tha Berisha.
