Gazeta RD
Kreu i këshilltarëve të PD në Bashkinë e Tiranës, Ilir Alimehmeti, i ftuar në News24, komentoi pritshmëritë nga kabineti i ri qeveritar i Edi Ramës.
Ai u shpreh se, emrat e ministrave nuk kanë rëndësi, pasi kryeministri kontrollon çdo aspekt të qeverisjes.
“Të gjithë janë Rama i arsimit, Rama i ekonomisë, Rama i shëndetësisë – thjesht marrin urdhra”, u shpreh Alimehmeti.
Ai theksoi se qeveria flet shumë, por nuk vepron, dhe se vendit i mungon një strategji reale për problemet kryesore.
“Në PS nuk ka debat, Rama vendos për gjithçka. Nuk kanë rëndësi emrat e ministrave të rinj, sepse kryeministri vendos për çdo gjë në Shqipëri. Gjithë mbiemrat e ministrave janë Rama i arsimit, Rama i ekonomisë, Rama i shëndetësisë.
Ata thjesht marrin urdhra. Kjo qeveri flet shumë dhe nuk bën asgjë. Kush ia lëviz Ramës çështjen e ujit, të turizmit, për ujërat e zeza? Janë shumë probleme, për të cilat faje ka direkt qeveria. Këtu nuk ka strategji, ka vetëm arna, prandaj duhet një strategji krejt ndryshe”, tha Alimehmeti.
