Gazeta RD
Avokatja Adriana Kalja ka bërë kallzim në SPAK ndaj gjyqtares Irena Gjoka. Në një prononcim për mediat, Kalaja tha se, depozituam në SPAK edhe shkresën e Prokurorisë së Përgjithshme e cila na konfirmon më së miri se vendimi penal i publikuar nga zoti Berisha dhe depozituar nga unë në SPAK është autentik dhe i formës së presë dhe ka mbetur i pa ekzekutuar sipas prokurorit të Janinës.
“Në zbatim të kallëzimit penal që kemi bërë që në maj të 2025 ndaj Irenës me disa mbiemra, Kallëzim që prokuroria e ka regjistruar, por pa emër. Ndërkohë qe ne në kallëzimin penal kemi paraqitur të gjithë faktet dhe provat se si gjyqtarja me disa mbiemra jo vetëm është dënuar në shtetin grek, jo vetëm i është dhënë dy herë ekspuls në shtetin grek por nga ana tjetër ajo ka patur dijeni të rregullt për të gjithë këto vendim marrje, qoftë penale, qoftë administrative, madje ka refuzuar në mënyrë kategorike dhënin e informacionit apo deklarimin e vendimit penal.
Qoftë edhe atij administrativ në dy raste edhe në 2002 edhe në 2003 lidhur me masën e ekspulsiv dhënë ndaj saj. Po kështu ajo ka gënjyer dhe ka bërë falsifikim në deklarim edhe në momentin e rivlerësimit kalimtar apo procesit të vetingut. Sot ne depozitojmë shkresën e Prokurorisë së Përgjithshme, të cilën në fakt, duhet ta kishte marrë kryesisht SPAK-u, ashtu sikundër duhet të kishte marrë kryesisht edhe dosjen që ndodhet në Ministrinë e Drejtësisë dhe në Prokurorinë e Përgjithshme dhe kjo shkresë na konfirmon më së miri që vendimi penal i bërë publik nga Berisha dhe depozituar nga unë në SPAK është autentik i formës së prerë dhe ka mbetur i paegzekutuar sipas prokurorit të Janinës.
Në këto kushte ne sot përveçse kemi depozituar këtë përgjigje të ardhur nga Prokuroria e Përgjithshme, nga ana tjetër ne i kemi kërkuar SPKA që të bëjë pjesë të dosjes të Irenës me tre mbiemra dosjen e plotë e cila sot është në Ministrinë e Drejtësisë dhe po kështu edhe dosjen e plotë e cila ndodhet në Prokurorinë e Përgjithshme . Pra për tu evidentuar e gjithë procedura se si është ndjekur marrja e informacionit në shtetin grek dhe pse prej një periudhe prej gati një viti e gjysme, këto institucione të caktuara me ligj nuk kanë bërë asnjë veprim”, tha Kalaja.
