Gazeta RD
Sekretari i Përgjithshëm i PD, deputeti Flamur Noka, duke folur në sallën e parlamentit, ka akuzuar kryetarin e Kuvendit Niko Peleshi si sufler të Ramës, dhe i ka kërkuar atij që të kërkojë falje në lidhje me atë që ndodhi në seancën e kaluar plenare, e cila u mbyll në vetëm 25 minuta e për pasojë nuk u diskutua programi qeverisës ‘Rama4’.
Noka deklaron se me atë që ndodhi, u tregua se Shqipëria është tashmë një Republikë Kryeministrore dhe gjithçka që kërkon kreu i qeverisë, bëhet.
FJALA E PLOTE
Në dy seanca e kaluara, ju keni spikatur për një gjë, më vjen keq që ua them.
Keni si një militant i zellshëm dhe ushtar.
Nuk ka nevojë të më lexosh gjë, se e di.
Nuk mund të jeni sufler, jeni aty për të administruar seancën, jo sufler.
Do ikni edhe ju me turp si të tjerët, mos bëj suflerin lërini deputetët të flasin.
Unë po them, atë që tha deputeti Kaso.
Ju duhet të kërkoni ndjesë. Një ndjesë të madhe opozitës dhe qytetarëve.
Sepse në ditën kur qytetarët prisnin se ju do të jepnit një shenjë se do të respektoni demokracinë në vend, sepse e keni përdhosur prej 12 vitesh në këtë vend, ju dhatë një shenjë tjetër, se ju me arrogancën tuaj treguat se nuk pyesni as për demokraci, as për liri, as për të drejta të opozitës.
Ne jemi këtu, jo republikë parlamentare, jo sepse parlamenti u përdhos nga kryeministri, dhe ju treguar që jeni një republikë kryeministrore.
Dhe këtu çfarë ka? Këtu ka kartona, ka armiq që kryeministri i imagjinon dhe i ka në atë mendjen e tij dhe ju vazhdoni e bëni vetëm çfarë ju thotë.
Kryeministri e ka të drejtën e fjalës, e ka të drejtën e fjalës dhe kryetari i opozitës dhe ministrat.
Kryeministri nuk ka të drejtë të fyejë opozitën, as të kërcënojë, as të shantazhojë. E fyeu, e kërcënoi dhe e shantazhoi opozitën dhe ju nuk morët asnjë masë.
Përkundrazi, pse morët masë ndaj kryetarit të grupit parlamentar të opozitës, pse kundërshton dhe nuk pranon poshtërimin.
