Gazeta RD
Deri dje mburreshin se reforma në drejtësi ishte projekt i mbështetur nga SHBA dhe BE. Në të gjitha takimet qeveria shoqërohej nga njerëz të SHBA dhe BE si koperturë e reformës ne drejtësi. Po gjërat kanë ndryshuar. Tanimë qeveria nuk i përmend më Shtetet e Bashkuara. Për Kodin e ri Penal ministri i Ramës thotë se i intereson vetëm dakortësia e BE, por jo më e Shteteve të Bashkuara. Eshtë e qartë se këto janë shenja të tjera të një krize në marrëdhëniet e regjimit me Shtetet e Bashkuara.
SHBA nuk ftohet të asistohet për Kodin e ri Penal sepse SHBA nuk ka më kukullat e Soros në pushtet dhe se Rama nuk ka garanci për të marrë mbështetjen për atë që kërkon të bëjë.
Ministri i Drejtësisë, Besfort Lamallari, në fjalën e tij gjatë seancës së sotme në Kuvend, duke iu përgjigjur interesimit të deputetëve për Kodin e ri Penal, tha se ky produkt do të jetë dokumenti më i mirë që kemi patur ndonjëherë.
Lamallari tha gjithashtu se, Kodi i ri Penal do të marrë dakordësinë e Bashkimit Evropian. Sipas ministrit të Drejtësisë, Kodi Penal nuk matet me numrin e dispozitave, por me cilësinë dhe garancitë që jep.
“Unë nuk mendoj që Kodi Penal matet me numrin e dispozitave që ai ka, por në thelb matet me cilësinë dhe garancitë që ai ofron në mbrojtje të interesit publik, të qytetarëve, të ekonomisë dhe parandalimit të tendencave kriminale.
