Gazeta RD
Ekonomia amerikane u rrit me një ritëm shumë më të lartë se sa pritej në tremujorin e tretë, e nxitur nga shpenzimet e forta të konsumatorëve, tregoi një raport i fundit. Prodhimi i Brendshëm Bruto i SHBA-së, u zgjerua me 4.3% në periudhën korrik-shtator, tha Departamenti i Tregtisë.
Shpenzimet e konsumatorëve u zgjeruan me 3.5% në tremujorin e tretë. Rritjet në eksporte dhe shpenzime qeveritare gjithashtu nxitën rritjen, ndërsa një rënie më e vogël në investimet private fikse ndihmoi gjithashtu. Raporti fillimisht ishte planifikuar të publikohej më 30 tetor, por u vonua për shkak të mbylljes së qeverisë.
Një masë e rritjes e quajtur shitjet reale përfundimtare për blerësit privatë vendas u rritën me 3% në tremujor, 0.1 pikë përqindjeje më shumë se periudha e mëparshme. Ekonomia eci përpara gjatë kësaj periudhe pavarësisht shenjave të vazhdueshme të presioneve inflacioniste.
Indeksi i çmimeve të shpenzimeve të konsumit personal, matësi primar i inflacionit i Rezervës Federale, u rrit me 2.8% gjatë periudhës dhe 2.9% për indeksin bazë që përjashton ushqimin dhe energjinë. Të dyja ishin mbi publikimet e mëparshme përkatëse prej 2.1% dhe 2.6% dhe mbeten shumë mbi matësin e inflacionit prej 2% të Rezervës Federale.
Edhe pse raporti paraqiti një pamje kryesisht pozitive të ekonomisë, tregjet reaguan pak pasi të dhënat i referohen një periudhe të mëparshme. Ndërkohë, fitimet e korporatave u rritën me 166.1 miliardë dollarë, ose 4.2%, krahasuar me një fitim prej 6.8 miliardë dollarësh në tremujorin e dytë.
