Kreu i PD Korçë: Prania e doktor Berishës, mesazh i qartë se PD është në këmbë e gati të luftojë

Një pritje entuziaste iu rezervua kryetarit të PD-së në foltoren e organizuar sot pasdite në qytetin e Korçës.

Takimi përkon dhe me themelimin e 35 vjetorit të degës së kësaj partie në Korçë.

Kryetari i degës së PD, Korçë, Dhimitri Çyfeku ftoi qytetarët të bashkohen me Partinë demokratike në luftën për të kthyer shpresën besimin dhe shtetin e së drejtës.

“PD ishte dhe mbetet forca që ndryshoi rrjedhën e historisë së popullit shqiptar.

PD ka mision rikthimin e shpresës, rivendosjen e demokracisë, luftën e korrupsionit.

Prania e doktor Berishës është mesazh i qartë se PD është në këmbë e gati të luftojë. Unë të dashur miq nuk luftoj për karrige. As ju nuk keni luftuar për karrige por për dinjitetin e për të rinjtë që largohen.

Mjaft më me shtetin e kapur, mjaft më me korrupsion. Jepni dorëheqjen.

Ky 35 vjetor nuk është nostaligji por nisja e një beteje të re politike për fitoren e demokracisë. Në emër të PD-së dega Korçë ftoj qytetarët të bëhen pjesë e fitores”, tha ai.