Berisha: Braçe? Nuk komentoj problemet e partisë së krimit! Ne do ofrojmë kandidaturën më të shkëlqyer për Tiranën!

Ada Cena: Përshëndetje Doktor, keni një koment për vetëshpalljen e kandidaturë së Erion Braçës apo është një lëvizje e Ramës pasi ka parë se Manastirliu nuk kishte asnjë shpresë të fitonte? Po PD me kë kandidat do të shkojë në zgjedhje në Tiranë?

Sali Berisha: Lidhur me deklaratën e Braçës, Braçe mbahet si përfaqësuesi i një partie që është zhdukur pa nam e nishan.
Në fakt nuk është zhdukur, por ka marrë trajtën e saj të re. Se kjo parti është themeluar në krim. Se kjo parti kaloi në pluralizëm në krim dhe tani në duart e Edi Ramës kjo është një parti e mirëfilltë krimi.
Ndaj dhe më mirë të mos komentoj për problemet e tyre.
PD pa diskutim që do u ofrojë qytetarëve, dhe kur të hapë diskutimet në mënyrë transparente kandidaturën më të shkëlqyer.
Do bëjë gjithçka për një front më të gjerë me të gjithë opozitën dhe t’i rikthejë kryeqytetin qytetarëve.
Ta nxjerrë nga kthetrat e mafies më të tmerrshme që Tirana ka njohur në jetën e saj gjer sot.