Kush ka luksin për t’u marrë me “puthjen”?!

Nga Iva V.GRILLO

Aktori Ndrenika me apo pa dashjen e tij ia bëri shërbimin Veliajt e pushtetit.
Jo thjeshtë se i bëri një shërbim mediatik atyre duke u gjendur në vendin, kohën dhe rolin që i duhej Veliajt, por sepse 80% e programeve mediatike dhe mediave sociale këto ditë merren me debate mbi “puthjen”… Megjithatë sado zhgënjyes që të jetë ky fakt, ai nuk është gjë tjetër veçse një detaj anësor i tablosë të trishtë të shoqërisë shqiptare…
Zhvendosja e vemendjes tek ky detaj i kapjes së shoqërisë ku subjekt e objekt në këtë rast bëhet sjellja e një aktori në moshë të thyer (i cili qartazi ka rënë prej vitesh në rrjetën e predatorëve profesionistë me pushtet ashtu si shumë të tjerë më të rinj e ndoshta jo aq vulnerabël sa ai) mund të shërbejë si konfirmim i asaj që tashmë dihet e thuhet nga të gjithë: “po, pushteti rilindas ka blerë dhe vazhdon të blejë zërat e figurat publike, pa dallim moshe, aftësish, etj”…, por kjo nuk sjell asgjë të re që nuk e dinim.
Gjatë kohës që mediat e analistët futen në debate “pro e kundër” mbi skenografinë e radhës bajate të pushtetit, siç ishte “puthja Ndrenika”… Rama ka rikonfirmuar që marrëveshja e Gjadrit do të vazhdojë për aq kohë sa t’i dojë qejfi shtetit italian, Balluku vazhdon e qetë “fushatën” nëpër Shqipëri dhe skandalet gëlojnë…
Të merresh me përsiatje filozofike mbi “puthjen Ndrenika” në këto kohë kiameti politik është një luks…
Mos ia jepni këtë avantazh pushtetit!