Gazeta RD
Një protestuese ka tërhequr vëmendjen gjatë tubimit duke mbajtur në duar një kanaçe me mbishkrimin “Ramingo ik”, një mesazh ironik i drejtuar kryeministrit Edi Rama.
Me humor dhe simbolikë, e reja e prezantoi kanaçen si një “produkt” të ri që, sipas saj, po promovohet nga influencerët që kanë mbështetur protestat.
“Është pija më e re që ne influenceret kemi marrë për të reklamuar dhe quhet ‘Ramingo ik’”, u shpreh ajo.
Mesazhi lidhet me deklaratat e mëparshme të Ramës, i cili ka kritikuar influencerët që janë rreshtuar në krah të protestuesve, duke i akuzuar se sulmojnë qeverinë për korrupsion, ndërkohë që sipas tij nuk kontribuojnë me taksa.
Kanaçja e ekspozuar në protestë u shndërrua në një formë simbolike proteste, përmes së cilës pjesëmarrësit përcollën kërkesën e tyre që kryeministri të largohet nga drejtimi i vendit.
