Gazeta RD
Pas 3 orësh protestë te Kryeministria, qytetarët kanë nisur marshimin në rrugët e kryeqytetit.
Fillimisht qytetarët u grumbulluan në sheshin Skënderbej, ashtu sikurse kanë bërë edhe ditët paraardhëse, për të marshuar më pas drejt bulevardit “Dëshmorët e Kombit”, e për t’u stacionuar para zyrës së Edi Ramës.
Ata vijojnë me thirrjet për ndryshimin duke kërkuar dorëheqjen e Ramës, teksa edhe më herët kanë paraqitur 5 kërkesa:
-Dorëheqjen e qeverisë;
-Shfuqizimin e statusit dhe kuadrit ligjor për investitorët strategjikë;
-Shfuqizimin e Paketës së Maleve;
-Anulimin e ndryshimeve në Ligjin për Zonat e Mbrojtura;
-Anulimin e ndryshimeve në Ligjin për Trashëgiminë Kulturore.
