Gazeta RD
Qytetarët kanë nisur marshimin drejt Kryeministrisë, pas grumbullimit në sheshin ‘Skëndërbe’ ata janë nisur drejt bulevardit ‘Dëshmorët e Kombit’ në ditën e 13 të protestës.
Protestuesit janë shprehur të vendosur se nuk do të dorëzohen deri në largimin e Ramës.
“Nuk ka kampionat botëror që i shpërqendron shqiptarët”, janë shprehur protestuesit.
Përgjatë 12 ditëve të shkuara, qytetarët kanë shënuar pjesëmarrje rekord në protestë, ku kanë kërkuar dorëheqjen e qeverisë së Edi Ramës.
Paralelisht me protestën e qytetarëve, kryeministri ka organizuar një antimiting këtë të premte, për të shënuar 35 vjetorin e PS në Tiraë.
Të shumtë janë shqiptarët, të cilët kanë shprehur pakënaqësitë e tyre ndaj kryeministrit Edi Rama, ndërsa pikënisja për protestën masive qytetare u bë Zvërneci.
Protesta ka thyer kufijtë e Shqipërisë, ndërsa tubime të shqiptarëve janë parë edhe nga diaspora jashtë vendit, të cilët kërkojnë gjithashtu largimin e Ramës.
