Gazeta RD
Kryetari i PD, Sali Berisha tha gjatë fjalës së tij në bashkbisedimin me qytetarët në rrjetet sociale se, Antimitingu i Ramës shënoi fundin e partisë së krimit.
Berisha tha se, ai që i thotë vetes shqiptar dhe e do këtë vend, duhet të mendojë se si ta ndihmojë suksesin e kësaj proteste.
Berisha: Mos harroni një gjë, Edi Rama është një diktator autoritar, qeveris në stilin e etërve të tij.
Do më falni, e patë mitingun e tij të djeshëm?
Çfarë ishte ai?
Ai aty lexoi elegjinë e vetes së tij, mitingu ishte një miting funebër, de facto për të gjithë ata që i ndjekin, ai miting shënoi fundin e partisë së krimit.
E një partie që u themelua në krim.
E një partie që shndërroi krimin në sistem.
E një partie që vazhdon krimin në të gjitha aspektet.
Ndaj dhe ata qytetarë kanë nevojë të jashtëzakonshme për mbështetjen e çdo shqiptari.
Nuk duhet që slogane me protagonistë opozitën e opozitës apo grupime të caktuara të dekurajojnë…
Në asnjë mënyrë.
Opozita e opozitës është vegël e qeverisë, por u garantoj se nuk është asgjë tjetër vetëm si ajo miza në shpinën e kalit, siç thotë Denis Diderot, që beson se e tërheq karrocën.
Por atë karrocë e tërheqin, atë uragan e tërheq përgjegjësia dhe ndërgjegjja qytetare e të rinjve dhe qytetarëve shqiptarë.
