Gazeta RD
Qytetarët e Memaliajt dolën në protestë këtë të shtunë kundër propozimit të Partisë Socialiste për reformën e re territoriale, e cila parashikon shkrirjen e bashkisë dhe bashkimin e saj me Tepelenën.
Gjatë tubimit, protestuesit mbajtën fjalime kundër reformës territoriale dhe më pas bllokuan rrugën nacionale, duke kundërshtuar ndryshimet e propozuara.
Me pankarta dhe thirrje kundër qeverisë, pjesëmarrësit kërkuan tërheqjen e projektit, ndërsa dëgjoheshin sloganet “Rama, jep dorëheqjen!” dhe “Jo shkrirjes së Memaliajt!”.
Ata deklaruan se do të vijojnë protestat, duke e cilësuar reformën një goditje për identitetin dhe të ardhmen e qytetit.
