Gazeta RD
Nigel Farage ka fituar bindshëm zgjedhjet e pjesshme në Clacton, duke mposhtur me një diferencë të konsiderueshme rivalin e tij kryesor, Count Binface dhe duke u rikthyer ne parlamentin britanik.
Kreu i Reform UK mori 22,239 vota, ndërsa Count Binface siguroi 9,455 vota. Diferenca mes tyre ishte 12,784 vota.
Megjithatë, Farage nuk mori pjesë në shpalljen zyrtare të rezultatit mëngjesin e sotëm. Ai pretendoi se një “fushatë e organizuar” synonte të ndërpriste fjalimin e tij gjatë ceremonisë së shpalljes së rezultatit.
Para publikimit zyrtar të rezultatit, Farage u shpreh para mbështetësve të tij se kishte arritur një “fitore dërrmuese”, duke e cilësuar rezultatin si një përmirësim të ndjeshëm krahasuar me shumicën prej 8,405 votash që kishte siguruar në vitin 2024.
“Duke bërë këtë, ne kemi mposhtur kandidatin e ‘unipartisë’: Count Binface”, deklaroi Farage.
Zgjedhjet e pjesshme u zhvilluan në një kohë kur Farage është përfshirë në një debat lidhur me financat e tij, përfshirë një dhuratë prej 5 milionë paundësh, të cilën ai akuzohet se nuk e kishte deklaruar
