Gazeta RD
Nga Adriatik R.DOSTI
Po, po, fajin e ke ti, Doctor, e kërkushi tjetër.
Një shkrim botova unë para dy ditësh, thjesht për të sqaruar e qartësuar qëllimin e vërtetë të vizitës tënde në Amerikë… dhe m’u turrën falangat enveriste, patronazhistët laramane, këlyshët me pagesë të Ramës e të taborit të tij, rrugaçët, injorantët, shpellarët e gojëhaletë, si dhe armiqtë e tu ndër vite.
Nënë o nënë… aq sa më ke borxh gishtin tregues të dorës së djathtë, o Doctor, të cilin e bëra copë duke ju bërë Bllok non-stop… edhe pse kinezeria e tyre s’kish as fund e as krye… Zot, sa janë shtuar… ndaj ruaje njerëzimin nga vemje të tilla neveritëse.
Ndaj dhe them me ‘bindje të plotë’ këtë radhë se… fajin e ka Saliu.
Tiranë-New York-Texas…
…Po pse bëre si i sëmurë në aeroplan, o Doctor, apo për t’i bërë qejfin Mut Nanos, Baton Haxhiut e Carlo Bolinos?
Pse s’e ule aeroplanin, qoftë edhe në mes të Oqeanit, që të ishe në sinkron e korrekt me lajmet e vendit tënd… rreth fluturimit tënd prej Shqipërie drejt Amerikës… apo s’ta mbajti… hahaha.
Na hape punë, Doktor… ne të dinim të sëmurë e ti, si për inat tonë… marshalla, e si kokrra e mollës.
Pse nuk e dorëzove pasaportën tënde në kufi-doganën amerikane, o Doctor… se plasi ai Ylli i Partisë… për Manjanin e kam fjalën…
Thanë gjithashtu se një prej policëve të doganës e të kufirit amerikan kishte marrë direkt në telefon avokat Ngjelen dhe i ishte hakërruar këtij të fundit pse e kishte gënjyer, teksa në mesazhin e dërguar ju kishte ‘precizuar’ se… shihjani vizën me kujdes shqiptarit Sali Berisha se… e ka vetëm 4-ditore…
Vajtëm edhe në spital në Dallas, ku mendohej se do të ishe ti i sëmurë, por edhe atje s’gjetëm kërkund pacient të shtruar me emrin Sali Berisha…
Po të kishe vajtur njëherë e të kishe bërë qoftë edhe një palë analiza gjaku, o Doctor… thjesht sa të mos e lije si M… atë gazetarin tepelenas e mik për kokë të Mero mavrisë… atë mo… si quhet… Fatos Ma-ha-mutaj, a ku e di unë.
Po si, o Doctor, ta boshatisën fare edhe sallën ku u takove e fole me bashkëatdhetarët e tu…
E pe videon që kish hedhur në rrjet Tema TV e Mero kokëqypit… vetëm nja 10-12 vetë dukeshin në sallë… dhe ata ulur në dy rreshtat e para si fanatikë të tutë… e më pas xhang-xhing… hahaha.
Pse kot ju thoshte këtyre Arbnori i ndjerë se… janë specialistë e jo socialistë.
Pse kot them unë që soj-djalli i tyre lë edhe Priftin me barrë.
Fajin e ke ti, Sali… na e more në qafë edhe atë që deri dje e mbaje në krah të djathtë… atë mo, atë që në mëngjes hante petulla me mjaltë me Kimeten e në darkë ulej për punë Partie në krahun tënd…
Për Evi Kokalarin Angelakin e kam fjalën, o Doctor, ku së paku duhet t’u kërkosh një falje të sinqertë demokratëve.
Dhe thonë se policia amerikane është vënë në ndjekje të saj, teksa e kanë parë pranë aeroportit e më pas edhe rrotull sallës ku po flisje ti, nën shoqërinë e ca anti-Berishistëve të tjerë të çakërdisur (nja 6-7 syresh)… me ca pranga në duar, duke ulëritur njëherë ‘Rama në burg e Berisha në burg’… e njëherë vetëm ‘Berisha në burg’.
Tani… në aeroplan nuk paske qenë i sëmurë dhe aeroplani me të cilin fluturoje ti nuk qenka ulur gjëkundi në mes të fluturimit… ok, dhe ja ku e morën përgjigjen Frroku, Idajet Beqiri, Nik Spahiu e Mut Nanua me Kol Ballën me shokë.
Në aeroport e në kufi-doganën nju-jorkeze paske kaluar normal e pa probleme pasaporte e vize dhe, mbi të gjitha, pa Non Graten në kurriz… ja tek i le si M… ti në shi, kur thotë populli… edhe Manjanin, Tak Ngjelen, Lucen, Fevzon, D. Hilen e Rudinën etj., etj.
Në spital s’paskë shkuar… dhe ja tek e ke bërë për infarkt atë gazetarin e plagosur të 21 janarit, Mah-mutaj…
Ja që edhe Evi s’të paska prangosur dot e asnjë polic amerikan s’i ka vajtur nga mbrapa Kokalarës së çmendur… etj., etj…
Me shqiptarët u takove e fole, në Dallas do jesh në konventën e republikanëve në 9-10 shtator, e ku do takohesh, besoj, me zyrtarë të lartë të shtetit amerikan, etj., etj…
Ehhh, sa punë na hapi kjo vizita jote e këtij fillim shtatori këtu në Amerikë… ndaj nuk thashë kot që në fillim të këtij shkrimi unë, o Doctor… fajin e ka Saliu… dhe kërkushi tjetër… ndaj dhe plaste syri i keq!
Shënim-Këtë lloj shkrimi do ta bëja për këdo që… ndërtoi Rrugën e Kombit, anëtarësoi Shqipërinë në NATO, ju hoqi vizat poshtëruese shqiptarëve, etj., etj… pavarësisht emrit Sali apo ç’ka do tjetër… ok.
