Vendimi i Gjykatës në Hagë/ 81 vite burg për 4 drejtuesit e UÇK-së

Krye Redaktor September 16, 2026 Bota Comments Off on Vendimi i Gjykatës në Hagë/ 81 vite burg për 4 drejtuesit e UÇK-së 37 Views

Gjykata në Hagë ka shpallur vendimin për Hashim Thaçin, Kadri Veselin, Rexhep Selimin dhe Jakup Krasniqin, duke i gjetur penalisht përgjegjës për disa prej akuzave për krime lufte.

Në total, katër ish-krerët e UÇK-së janë dënuar me 81 vite burg. Ndërkohë, gjykata i ka shpallur të pafajshëm për akuzat për krime kundër njerëzimit.

Ish-presidenti i Kosovës, Hashim Thaçi, është shpallur penalisht përgjegjës për krime lufte,

Gjykata Speciale në Hagë ka dënuar me 25 vite burg ish-presidentin e Kosovës, Hashim Thaçi, duke e shpallur fajtor për krime lufte, por të pafajshëm për krime kundër njerëzimit.

Gjykata në Hagë shpalli fajtor Jakup Krasniqin për disa akuza për krime lufte dhe e dënoi me 25 vite burg.

Trupi gjykues e shpalli fajtor për ndalim të paligjshëm të 385 personave, trajtim mizor dhe torturë ndaj 49 personave, si dhe vrasje të paligjshme të 96 personave.

Ndërkohë, Krasniqi u shpall i pafajshëm për akuzat për krime kundër njerëzimit.

Ndërsa Kadri Veseli u dënua me 18 vjet burgim nga Dhomat e Specializuara në Hagë.

Trupi gjykues e shpalli Veselin fajtor për krime lufte, përfshirë ndalimin e paligjshëm ose arbitrar, trajtimin mizor, torturën dhe vrasjen e paligjshme.

Rexhep Selimi u denua me 13 vjet burgim, pasi e shpallën fajtor për krime lufte. Njëkohësisht, gjykata e shpalli të pafajshëm për akuzat për krime kundër njerëzimit.

Gazeta RD

Vendimi i Gjykatës në Hagë/ 81 vite burg për 4 drejtuesit e UÇK-së

About Krye Redaktor

Check Also

Falimenton banka dixhitale/ 3 milionë njerëz humbasin kursimet, kaos në Paraguai