Gazeta RD
Me mbylljen e fjalimeve përballë Kryeministrisë, qytetarët kanë nisur marshimin në Tiranë, në ditën e 118-të të protestës kundër qeverisë së Edi Ramës.
Protestuesit nga podiumi i ngritur përpara godinës së qeverisë kanë bërë thirrje për largimin dhe dorëheqjen e Ramës, si një kërkesë e panegociueshme e tyre.
Qytetarët e shumtë kanë nisur marshimin në rrugët e kryeqytetit, duke brohoritur njëzëri thirrje si “Shqipëria e shqiptarëve”, “Arrestoni Ramën”, etj.
“Rama, jepe dorëheqjen!” është një prej thirrjeve që shoqëron marshimin e qytetarëve.
Protestuesit vijojnë marshimin përgjatë rrugëve të kryeqytetit, ndërsa protesta e 118-të shënon vijimin e aksionit të tyre kundër qeverisë.
Gjatë protestave, qytetarët kanë kërkuar të shfuqizohet ligji për zonat e mbrojtura, Paketa e Maleve dhe investimet strategjike, si dhe krijimi i një qeverie tranzitore për t’i hapur rrugën zgjedhjeve të ndershme.
Po ashtu qytetarët kanë bërë thirrje për vijimin e protestave dhe marshimeve në kryeqytet. Sipas tyre, qëndresa do të vijojë edhe në ditët në vazhdim, ndërsa kërkesa për dorëheqjen e kryeministrit mbetet në qendër të tubimeve dhe një kërkesë e parevokueshme.
