Rama ktheu shtetin në organizatë kriminale! Kërkojmë burgosjen dhe konfiskimin e pasurive!

Në podiumin para Kryeministrisë, në nisje të protestës së 119-të, aktivistja Sidorela Vatnikaj kërkoi jo vetëm arrestimin e Edi Ramës, por edhe konfisikimin e çdo pasurie të rrëmbyer prej tij dhe zyrtarëve të vet të korruptuar dhe rishpërndarjen e tyre te shqiptarët.

Ajo u shpreh se Rama ka më shumë zyrtarë në burgje dhe hetim sesa në detyrë, ndërsa theksoi se Partia Socialiste është e mbushur me njerëz mediokër.

Vatnikaj: Arsyen për të dalë në protestë në 31 maj, arsyeja për të dalë janë legjitime dhe po rriten dita ditës me çdo skandal që zbulohet. Shqipëria është vendi i vetëm në botë që thashethemi është 100% e vërteta. Siç kishim dëgjuar që shteti është në duar oligarkësh dhe kriminelësh sot duke parë se si pjesa më e madhe e qeverisë Rama janë në arrest shtëpie, arrest në burg, sot flasin në arrati.

Këto persona që ka qeverisur janë të gjithë të akuzuar dhe lidhje me krimin është ndoshta e vërteta ose na bën të dalin çdo ditë. Përgjimet dhe arrestimet e fundit të atij që është njohur si menaxheri i lidhjeve të organizatave kriminale me qeverinë.

Arrestimi i Gys Agasit dhe i zonjës në krye të informacioneve më të rëndësishme tregojnë se shteti ka rënë. Kemi një kryeministër te delegjitimuar jo vetëm nga protesta por kemi një kryeministër që ka më shumë njerëz në burg se sa sot jashtë në karrige apo institucione.

Kemi një kryeministër i cili ka qenë plotësisht në dijeni për lidhjet e krimit me institucionin që ka drejtuar. Duhet të japë dorëheqjen de të thirret nga drejtësia. të pyetet, hetohet, arrestohet konfiskohet dhe rikthehet si rishpërndarja si e mirë publike që organizata kriminale me Ramën i ka marrë shqiptarëve këto vite.

Jemi këtu për të kërkuar hetimin dhe arrestimin e Edi Ramës sepse askush nuk e beson se vartësit e tij kryenin korrupsion pa dijeninë e Ramës. Askush nuk e beson se informacionet e klasifikuara i shkojnë bandave pa urdhrin e Ramës. Nuk kërkojmë vetëm dorëheqje.

Kërkojmë hetimin, arrestimin e Edi Ramës, burgosjen e tij. Konfiskimin e të mirave publike që i ka marrë këtij vendi. Thirrja për dorëheqje duhet të vazhdojë për thirrje për hetim. I kërkoj dhe organit të akuzës SPAK dhe gjykatës që ta thërrasë së paku si person në dijeni, së dyti si person përgjegjës që ka dhënë urdhrat për ta kthyer shtetin shqiptar në organizatë kriminale.