Gazeta RD
Kreu i PD, Sali Berisha ka akuzuar kryeministrin Edi Rama se ka ndërtuar, sipas tij, një skemë në sektorin e mbrojtjes, duke përfshirë biznesmenin Roni Yeffet, Arjeta Pucën dhe ish-drejtuesin e Policisë së Shtetit, Ardi Veliu.
Deklaratat u bënë gjatë konferencës për mediat nga selia blu, ku Berisha e cilësoi mbrojtjen si sektorin më të ndjeshëm të vendit.
Berisha: Pra, ky ishte skaneri i plotë i një piramide mafioze të ndërtuar në fushën më sensitive, më të rëndësishme, nga Edi Rama, të ndërtuar në fushën e mbrojtjes, duke përdorur tre vegla, keqshfrytëzuar në shkallë ekstreme Roni Yeffet, Miss Autoblindin dhe famozin Ardi Veliu.
Besoj se një skemë e tillë është e denjë vetëm për filmat e Narkosit.
Por kësaj here nuk është droga lëndë e parë, por lëndë e parë janë armët, siguria e vendit.
