Terror në Vlorë/ Policia futet brenda universitetit dhe bllokon studentët për të mos dalë në protestë

Protesta studentore në Vlorë është përballur me një tjetër situatë të paprecedentë, ku forcat e policisë kanë mësyrë brenda ambienteve universitare.

Një pjesë e studentëve kanë hyrë në auditorët e Fakultetit të Shkencave Teknike, në Universitetin “Ismail Qemali”, në vijim të revoltës që po përhapet në vend.

Ndërkohë, efektivët e policisë kanë krijuar një barrikadë, duke u bllokuar rrugën studentëve që të mos dalin në protestë.

Pas ndërhyrjes së policisë, studentët janë nxjerrë nga godina, ndërsa efektivët kanë marrë në mbikëqyrje territorin përreth universitetit.