Gazeta RD
Pas refuzimit të përsëritur të studentëve, të karrigeve të dialogut, Edi Rama ka provokuar me një tjetër mënyrë.
Siç shihet edhe nga pamjet para Kryeministrisë, Rama ka vendosur stolat mbi të cilët shkruan “Dialog”.
Zhvillimi vjen në ditën e dhjetë të protestave kundër qeverisë, ndërsa studentët, gjimnazistët dhe pedagogët vijojnë të kërkojnë dorëheqjen e Ramës.
Një ditë më parë, protestuesit u mblodhën përpara Kryeministrisë, ku refuzuan sërish ftesën e Ramës për dialog. Ata thyen karriget e vendosura përpara godinës dhe i hodhën drejt hyrjes së saj, duke përsëritur se nuk pranojnë të negociojnë me kreun e qeverisë.
Ndërkohë, pedagogët kanë nisur bojkotin e mësimdhënies në universitetet publike, duke deklaruar se nuk do të tërhiqen nga protesta deri në plotësimin e kërkesës për largimin e Ramës.
