Noka: Bënë gjithçka për t’i keqpërdorur vizitën Mike Pompeo, Taulant Balla i pari!

Nga Flamur NOKA

Ish-Sekretari i Shtetit Mike Pompeo e ka bërë mëse të qartë arsyen e vizitës së tij në vendin tonë. E sqaroi personalisht nëpërmjet platformës Twitter, gjithashtu autorizoi drejtorin e stafit të tij të qartësonte se Mike Pompeo nuk kishte ardhur në Shqipëri për të marrë anë me ndonjë parti apo fraksion partiak, dhe se fotografimi i tij me të pranishmit nuk ishte tregues i ndonjë pozicionimi politik.

Po bëhej gjithçka për t’i keqpërdorur vizitën Z. Pompeo. Nga Taulant Balla i pari, që do të merrte për dore opozitën fake për ta prezantuar si opozitën zyrtare të vendit.

Kjo tentativë iu dështoi publikisht.