Leskaj: Çdo minutë që Edi Rama vijon të qëndrojë në pushtet rëndon mbi Shqipërinë!

Nga Bujar Leskaj

Çdo minutë që Edi Rama vijon të qëndrojë në pushtet, rëndon mbi Shqipërinë, ekonominë, interesin publik dhe të ardhmen e vendit, veçanërisht mbi të rinjtë shqiptarë.

Qëndresa dhe rezistenca e studentëve dhe të rinjve sot rikujton frymën e protestave studentore të Dhjetorit ’90. Është protesta/revolta e një brezi, e ardhmja e të cilëve ka 13 vite që nëpërkëmbet nga sekti në pushtet.

Aktet e dhunës ndaj të rinjve janë të papranueshme dhe kërkojnë përgjegjësi. I dënoj me forcën më të madhe dhe shpreh solidaritetin tim të plotë me protestën madhështore të studentëve dhe të rinjve shqiptarë.

Studentët kanë nevojë për mbështetje kombëtare ! Ajo është një kauzë me dimension kombëtar. Ajo prek demokracinë, lirinë, dinjitetin dhe të ardhmen e çdo qytetari shqiptar. Prandaj, mbështetja për studentët duhet të jetë e gjerë dhe përtej çdo dallimi politik.

Kërkesa për largimin e Edi Ramës, krijimin e një qeverie teknike dhe zhvillimin e zgjedhjeve të parakohshme është himni dhe kërkesa parësore e protestës.

Sot, më shumë se kurrë, Shqipëria ka nevojë për solidaritet, kurajë qytetare dhe përgjegjësi kombëtare.

Sot, të gjithë duhet të jemi pranë studentëve, të gjithë duhet të jemi “studentë”.

Ata janë simbol i qëndresës. Ata meritojnë respektin dhe solidaritetin e të gjithëve!