Gazeta RD
Protestuesit nga qarku i Kukësit janë nisur paraditen e sotme me autobusë dhe mjete private për t’iu bashkuar protestës së thirrur nga kryetari i PD, Sali Berisha, në Tiranë, përpara godinës së qeverisë.
Kryetari i PD në Kukës, Admir Sinamati, para nisjes së protestuesve tha se sot është dita e qytetarëve të lirë të Kukësit dhe mbarë Shqipërisë: “Sot është dita e qytetarëve të lirë të Kukësit dhe mbarë Shqipërisë. Dita e protestës kundër padrejtësive, kundër përbuzjes, papunësisë! Ora e mllefit ndaj dyshes Rama-Vuçiç po vjen. Uragani i protestës kombëtare fillon me Kukësin blu. Qindra qytetarë kuksianë po i bashkohen thirrjes së Sjqipërisë për t’i dalë zot fateve të vendit”,
Protestuesit u shprehën se kanë shumë arsye për të protestuar dhe më kryesorja prej tyre, shpopullimi i Kukësit dhe i gjithë Shqipërisë.
