Gazeta RD
Ish-Kryeministri Berisha ka folur për mediat në oborrin e parlamentit të Shqipërisë. I pyetur nga gazetarët në lidhje me votimin pro nga deputeti Lulzim Basha dhe ata që e ndjekin, për shtyrjen e vetingut, Berisha deklaroi se kjo është bashkëqeverisja e pengut me pengmarrësin.
“Është bashkëqeverisja e pengut me pengmarrësin. Unë i kam shprehur qëndrimet e mia ndaj këtij procesi, gjigant korruptiv që shoqërohet në çdo hap me shkelje të rënda ligjore të konstatuara dhe që u përdor për gjah shtrigash nga Edi Rama me ndihmën e mikut të tij George Soros.
U përdor për spastrime krahinore, klasore dhe fetare e sistemit të drejtësisë. U përdorën disa standarde dhe ky siç e dini ju, është një proces i flakur që nuk i beson më shoqëria shqiptare. Unë kurrë nuk do të votoj në kundërshtim me atë që mendojnë dhe besojnë shqiptarët”, deklaroi Berisha për gazetarët.
