Gazeta RD
Pashk Gjoni, kandidati i opozitës në Lezhë, i ka bërë thirrje bashkëqytetarëve të tij të mos lejojnë shembjen e stadiumit “Besëlidhja” dhe ta ndalojnë më 14 maj, me votën e tyre, vendimin absurd të pushtetit vendor dhe të qeverisë.
Në mesazhin që u ka dërguar sot qytetarëve të Lezhë, Gjoni shkruan: “Të nderuar banorë të Lezhës! Le të bëhemi të gjithë bashkë, pa asnjë dallim partiak për të shpëtuar kasaphanën me historinë e qytetit.
Rilindasit në ikje nga bashkia që nuk kanë asnjë lidhje me Lezhën, në ditët e fundit kanë marrë vendimin për shembjen e stadiumit “Besëlidhja” dhe për të ndërtuar objekte dhe parkingje. Duke qenë në kufijtë e absurditetit, institucioni i Prefektit, konfirmon vendimin brenda 24 orësh që i dërgohet nga bashkia dhe drafti i është paraqitur Kryeministrit.
Jam zotuar se nuk do ta lejoj shembjen e stadiumit, ndaj me 14 Maj, le të bëhemi bashkë për të sjellë ndryshimin dhe zhbëjmë çdo vendim të një pakice në ikje. Bashkë shpëtojmë Lezhën,” thekson kandidati i koalicionit “Bashkë fitojmë”.
