Shehaj: Dorëheqja e Veliajt nuk mund të vijë vetëm në rast arrestimi nga SPAK-u!

Pas lajmit për sekuestrimin e inceneratorit të Tiranës ka reaguar edhe deputeti i Partisë Demokratike, Agron Shehaj, i cili kërkon dorëheqjen e Veliaj pas faktimit të përfshirjes së tij në aferën e inceneratorëve.

Reagimi i Shehajt

Në thelb Veliaj vazhdoi pagesat për inceneratorin e Tiranës me pretendimin se pronarë nuk ishin Zoto dhe Mërtiri.
SPAK zbuloi se Veliaj gënjente! Ata janë pronarët.
SPAK zbuloi edhe përfshirjen e Veliajt në këtë aferë: Propozimi i tij për PPP; Këmbëngulja publike për vlefshmërinë e inceneratorit; Firma për të marrë përsipër kostot duke anashkaluar Këshillin Bashkiak; Vendimi i Këshillit Bashkiak i përgatitur nga Zoto, Refuzimi për të ndalur pagesat drejt kompanisë guaskë në Holandë.
Faktet dolën nga hetimet e SPAK. Veliaj duhet të jap dorëheqje.
Dorëheqja nuk mund të vij vetëm në rast arrestimi nga SPAK-u!