Gazeta RD
Qytetarët kanë mbushur për të disatën ditë sheshet e kryeqytetit.
Ata kanë ngritur zërin e tyre kundër rritjes së çmimit të naftës dhe të shumë produkteve ushqimore.
Disa prej tyre edhe janë arrestuar nga Policia duke u akuzuar për disa vepra penale.
Për këtë situatë ka reaguar edhe deputetja e PD-së, Albana Vokshi.
Nëpërmjet një statusi në rrjetin social ‘’Facebook’’ ajo akuzon Policinë për dhunë të ushtruar jo vetëm ndaj qytetarëve por edhe ndaj punonjësve të medias.
Ajo shoqëron shkrimin e saj me një video që vërteton dhunën e ushtruar ndaj punonjesve të ‘’Syri Tv’’.
‘’Dhuna është fytyra e vërtetë e Edi Ramës që për pushtetin e tij dhunon liritë dhe të drejtat e qytetarëve. Për pushtetin e tij personal dhunon lirinë e medias, lirinë e fjalës dhe të drejtën kushtetuese për informimit’’,- shprehet ajo.
