Gazeta RD
Ish-kryenegocatorja e bisedimeve me Serbinë, Edita Tahiri, ka thënë se presidenti serb, Aleksandar Vuçiç, po kërkon të krijojë Serbinë e Madhe.
E ftuar në emisionin Pressing në T7, Tahiri komentoi edhe iniciativën e Ballkanit të Hapur, të cilën ka thënë se Vuçiç po e përdor në favor të vetes.
Ajo ka përmendur zhvillimet në Bosnjë e Hercegovinë, ku zyrtarët e Republikës Serbe kanë filluar procedurat për shkëputje nga autoritetet qendrore të Bosnjës e Hercegovinës, duke i quajtur shumë shqetësuese këto zhvillime.
Tahiri: Serbia po kërkon të krijojë Serbinë e Madhe. E shohim tentimin për destabilizim serioz të Bosnje e Hercegovinës.
Gjithashtu Tahiri thotë se takimet me Ramën i konvenojnë Vuçiç i cili del si person që është i hapu për bashkëpunim para ndërkombëtarëve.
Tahiri: Vuçiç po shkon në Tiranë e po takohet me Ramën po buzëqesh duke e ndryshuar imazhin e tij ndërkohë që Ballkani po dridhet.
