Berisha: Protestë kombëtare më 8 janar, largim i Ramës!

Ish-Kryeministri Sali Berisha në “Zonë e Lirë” në Tv Klan njoftoi datën e protestës kombëtare të radhës.

“Data 8 janar do të jetë tubimi i dytë i opozitës pas asaj të 20 dhjetorit”, tha Berisha.

Protesta do të zhvillohet përpara Kryeministrisë kundër vjedhjes 430 mln euro të inceneratorëve dhe për dorëheqjen e Edi Ramës.

Skandaleve të qeverisë i është shtuar edhe publikimi i databazës së pagave, numrave të telefonave dhe targave të automjeteve, e cila përbën cenim të privatësisë së qytetarëve dhe në vetëvete një kolaps shtetëror dhe rënie të qeverisë.