Noka: Rama dhe pengu i tij e kanë kthyer PD në Alkatraz, do e çlirojmë!

Përfaqësuesit e Komisionit të Rithemelimit të PD kanë mbërritur në selinë e PD, por e kanë gjetur atë të blinduar dhe të izoluar.

Flamur Noka ka tentuar që të hapë dyert, por ka qenë e pamundur. Deputeti Noka tha se, Basha është vetëburgosur, duke e kthyer PD-në në burgun e Alkatrazit.

“Një grup deputetësh dhe deputetesh, anëtarë të grupit parlamentar të PD, erdhëm në selinë e PD, në shtëpinë tonë për të zhvilluar një takim, një mbledhje me axhendën që do ketë grupi parlamentar dhe PD për vitin 2022.

Ajo që po konstatojmë me dhimbje është se shtëpia e lirisë duhej të ishte një ambient festiv që gumëzhin, ku gjejnë veten të gjithë demokratët. Por për fat të keq, Edi Rama dhe pengu i tij e kanë kthyer PD-në në një Alkatraz të kohëve moderne.

E patë edhe vetë, gjithçka e mbyllur dhe e blinduar, a thua se e ka kthyer PD-në në një burg të sigurisë së lartë. Pengu i Ramës mund të rrijë i vetëburgosur. Edi Rama e ka vetëburgosur pengun e tij, por Rama e ka shumë gabim: mund të burgosë pengun e tij, por kurrë nuk do të mund të burgosë shpirtin e lirë të demokratëve”, tha Noka.

About Redaksia

Check Also

Universiteti i Tiranës 30 tendera, vetëm 1 për shkencë, 190 mijë euro për kokteil e ceremoni

Universiteti i Tiranës u rendit në dhjetëshen më të keqe në Europë, në një listim …

Leave a Reply