Gazeta RD
Edhe të premten, anëtarët e Komisionit të Rithemelimit të PD mbërritën në selinë e blinduar.
Pasi trokitën në dyer, sërish ata mbetën jashtë godinës, edhe pse duhej të mbanin një mbledhje.
Përpara medieve foli Ervin Minarolli, anëtar i Komisionit të Rithemelimit. Sipas tij, të shtunën demokratët do të ekzekutojnë vendimet e marra në Kuvendin e Rithemelimit dhe në referendum.
“Është një rast unik, kur një parti në opozitë i mbyll dyert për mbështetësit e vet.
Kjo është një parti pa vizion dhe pa frymëzim. Prandaj është i nevojshëm rithemelimi.
Demokratët e kanë vendosur me votë, nesër do vijnë që të ekzekutojnë vendimin,” tha Minarolli.
Kurse Mimoza Hajdarmataj apeloi për pjesëmarrje masive në protestën e nesërme.
Ajo ka paralajmëruar se nesër demokratët nga gjithë Shqipëria do të jenë në selinë e PD, dhe do ta rikthejnë atë në shtëpinë e tyre.
