Kandidati i Koalicionit “Shtëpia e Lirisë” për Bashkinë shkodër, Bardh Spahia vijon takimet me banorët. Ditën e sotme Spahia është takuar me banorët e Rrethinave.
“Kam vijuar takimet me banorët në Njësinë Administrative Rrethina me një tjetër bashkëbisedim miqësor, ku kam dëgjuar me shumë vëmendje shqetësimet dhe sugjerimet e gjithsecilit prej tyre.
Rrethinat, njësia administrative më e madhe e nga ish-komunat i’u bashkuan Bashkisë së Shkodrës në 2015- ën.
Folëm hapur, diskutuam problematikat por edhe zgjidhjet e duhura për të sotmen e të nesërmen.
Është punuar, ndërtuar, ofruar shërbime por natyrshëm ka shumë për të bërë e do të bëjmë për banorët e Rrethinave.
Një zonë e Bashkisë Shkodër, ku si gjithë Shqipëria, vuan papunësinë dhe shpopullimin.
Shumë pranë qytetit, e njohur për prodhimet bujqësore e sidomos vreshtarinë, është e domosdoshme të krijojmë mundësi e hapësira për tregtimin e produkteve cilësore të fermerëve, brenda dhe. jashtë vendit.
Synimi ynë i përbashkët mbetet puna për hapjen e mundësive të reja për të forcuar ekonomitë familjare, përmes shfrytëzimit të resurseve natyrore dhe aftësive të banorëve kudo në territorin e bashkisë tonë.
6 marsi është momenti të vendosim për të ardhmen tonë, për Shkodrën tonë”, tha Spahia!
Për Shkodrën, të gjithë bashkë!