Gazeta RD
Banorët e “5 Majit”, Laprakës dhe Paskuqanit vazhduan edhe sot pasdite protestën paqësore kundër prishjes së banesave të tyre.
Ndërkohë, situata ka agravuar dhe si pasojë ka patur përleshje fizike mes efektivëve të policisë dhe protestuesve, ku këta të fundit janë tërhequr zvarrë dhe të paktën një grua është dhunuar duke e shtyrë në tokë.
Në prononcimin e saj për Syrin, gruaja deklaroi se vuan nga zemra dhe se ka bërë ndërhyrje kirurgjikale, gjë të cilën i’a ka thënë edhe policave por që ata nuk kanë pyetur por e kanë dhunuar duke e plasur në tokë.
Protestuesit janë të vendosur të mbrojnë banesat e tyre nga prishja e paligjshme e IMT-së.
22 Shkurti është data e radhës kur IKMT do të ndërhyjë sërish në zonën e 5 Majit në Tiranë, për shembjen e banesave të radhës.
