Xhaçka paralajmëron Rusinë

Ministria e Jashtme ka reaguar lidhur me situatën në Ukrainë, duke i bërë apel Rusisë të tërhiqet dhe të zgjidhë situatën në mënyrë diplomatike.

Në një postim në Twitter, ministria e drejtuar nga Olta Xhaçka shpreh mbështetjen ndaj Ukrainës.

“Në këtë situatë të vështirë dëshirojmë të riafirmojmë edhe një herë mbështetjen e Shqipërisë për sovranitetin dhe integritetin territorial të Ukrainës”.

Po ashtu, i bëhet apel Rusisë të tërhiqet.

“Ne ripërsërisim thirrjen tonë që Rusia të ç’tensionojë dhe të zgjidhë situatën në mënyrë diplomatike”.