Gazeta RD
Ish-i burgosuri politik, Xhavit Lohja mbajti fjalën e tij në njësinë administrative Guri i Zi në Shkodër, në kuadër të fushatës elektorale të koalicionit “Shtëpia e Lirisë”, që prezanton kandidatin për kryetar bashkie të Shkodrës, Bardh Spahia.
Lohja theksoi se, Bardh Spahia vjen nga një familje e mrekullueshme, duke shtuar se pa asnjë diskutim që do ta fitojë Shkodrën.
“Kam pasur respekt tepër të madh për Ali Spahinë, nëse gjysma e babait të jetë Bardh Spahia, është boll. Kam bërë 20 vjet burg. Kjo zonë është shumë e persekutuar, nja tre klerikë katolikë i kam pasur në burg.
I uroj fitore e padiskutim Bardh Spahia do të fitojë, ndërsa Sali Berishës i uroj me gjithë zemër jetë sa më të gjatë. I them popullit, mos shisni votën për 100 mijë lekë. Mos shisni dinjitetin tuaj”, deklaroi Lohja.
