Kush është ish-ushtaraku që u gjet i vrarë në Vlorë, çfarë u gjet në banesë

Një 46-vjeçar është gjetur i vdekurditën e sotme në banesë në Vlorë nga nëna e tij. Altin Alikaj, ish-ushtaraku i cili u gjet i pajetë në banesë në lagjen “24 Maji” të Vlorës, dyshohet se është vrarë.

46-vjeçari kishte dy javë që nuk komunikonte me familjen e tij dhe 8 ditë i zhpallur i humbur.

Ai është gjetur këtë të Shtunë. Ka qenë nëna e tij, e cila e ka gjetur sot 46-vjeçarin pa jetë brenda shtëpisë së tij, e cila ishte vetëm pak metra nga shtëpia e prindërve të tij. Në shtëpinë e viktimës janë helmuar më herët qentë e komshinjve, është prerë automati i dritave dhe në banesë është gjetur një sëpatë me gjurmë gjaku.

Familjarët kanë ngritur dyshime se 46-vjeçari mund të jetë vrarë, kjo pasi në kokë e në trupin e tij janë gjetur shenja dhune, të çara e fraktura. Trupi i pajetë i tij është dërguar në morg, ku aktualisht po merret mjekësia ligjore.

46-vjeçari raportohet se ka qenë përdorues i lëndëve narkotike. Ai jetonte vetëm, ndërsa prindërit shumicën e kohës jetonin në Greqi. E ëma e viktimës raportohet se ishte kthyer nga Greqia pikërisht ditën e sotme.