Boçi: VOTA nuk mund të përjashtojë nga gara askënd!

Nga Luçiano BOÇI

Grupi parlamentar i PD shkoi sot atje ku anëtarësia kishte kohë që kishte shkuar.

Tek domosdoshmëria e VOTËS!

Kriza e besimit në një parti politike është semundje dhe shërimi është vetëm VOTA.

Kuvendi Kombëtar i 11 dhjetorit sanksionoi pikërisht këtë që po insistohet sot:

Për të rivendosur besimin politik të kalohet në proces zgjedhor të lidershipit dhe të çdo strukture tjetër, një pjesë e të cilave në degë të ndryshme janë bërë.

“Vonesa” e reagimit të Grupit është e arsyeshme.

Pararendja e anëtarësisë në këto vendimmarrje vjen natyrshëm, sepse instikti politik i saj ska skrupuj të panevojshëm, apo kufizime të tepërta.

Ai është bruto, i ftohtë dhe real dhe duhet ndjekur domosdoshmërisht.

Ndryshe nga anëtarësia përfaqësimi parlamentar gjithnjë ka një instikt politik më të rafinuar, më hezitant, jo se i mungon prakticiteti e iniciativa, por se kërkon më shumë prova dhe etapa.

Kur ai merr vendime, hierarkia sipër tij duhet patjetër t’i respektojë, sepse ato nuk janë vendime personale, por reflektim i pararendjes që i ka bërë, siç po ndodh, anëtarësia.

E rëndësishme është që vendimet të jenë pa ekuivok e të mos përzihen me procedurat.

VOTA nuk mund të përjashtojë nga gara askënd, pavarësisht emocioneve dhe opinioneve, përndryshe jemi ende në iluzion.

About Redaksia

Check Also

Dokumentet/ Porti i Jahteve të Alabar në Durrës na ka kushtuar 415 mln € pa nisur ende

Nga Ola XAMA Kur qeveria dërgoi në Kuvend miratimin e projektit për ndërtimin e “Durrës Yacht …

Leave a Reply