Berisha në Elbasan uron shqiptarët për Ditën e Verës: Rama po përdor hijet e luftës si pretekst

Ish-Kryeministri Berisha ka shkuar në Elbasan për të festuar Ditën e Verës. Berisha është pritur me entuziazëm nga qindra qytetarë që kishin dalë për ta pritur. Pasi i uroi qytetarët, Berisha dha një mesazh në veçanti edhe për protestuesit.

“Uroj qytetarët e Elbasanit se mbajtën gjallë këtë festë të mrekullueshme dhe sot Elbasani me të drejtë konsiderohet kryeqyteti i festës. Uroj mbarë shqiptarët që festa e Ditës së Verës është festa e shndërrimeve të mëdha, e lulëzimit, e shpërthimit të burimeve, e çeljes së gjithçkaje të mirë.

Në këtë kontekst, uroj që për shqiptarët kjo ditë të sjellë ndërrimin e madh që ata presin me padurim, ndërrimin e narkoshtetit dhe rivendosjen e shtetit ligjor,” tha Berisha.

“Një urim të përzemërt kam për ata qindra-mijëra qytetarë shqiptarë që kanë mbushur rrugët dhe sheshet e qyteteve të vendit për të protestuar kundër një politike cinike, të pashpirt, e cila përdor si pretekst hijet e luftës në Ukrainë për të justifikuar rritjen dramatike, absolutisht të pajustifikuar të çmimeve të produkteve më jetike të qytetarëve shqiptarë.

Edhe njëherë, gëzuar këtë ditë për mbarë qytetarët e Elbasanit dhe mbarë shqiptarët”, tha Berisha.

About Redaksia

Check Also

Revolta të shndërrohet në kryengritje popullore

“RD” Opozita të udhëheqë revoltën që ka bërë bashkë dje të djathtë dhe të majtë. …

Leave a Reply