Gazeta RD
Lideri historik i demokratëve, Sali Berisha nga selia e PD-së ka deklaruar se edhe Lulzim Basha nëse do të ishte sot në zyrën ku u zhvillua takimi, do ti jepte dorën.
“Unë shtrëngova dorën, u ula e bisedova me kreun e grupit parlamentar Enkelejd Alibeaj dhe Gazment Bardhi. Ishte edhe diskutim për problemet. Në këtë diskutim unë kërkova angazhimin e tyre në procesin e bashkimit të PD. Mund të them se i gjeta të preokupuar në këtë proces, por diferencat në mendime persistojnë.
Komisioni, Sali Berisha dhe çdo anëtar është i hapur të diskutojë me çdo demokrat e demokrate që dëshiron dialog, debat dhe don të kontribuojë në procesin e bashkimit. Ne nuk përjashtojmë asnjë njeri. Kundërshtitë e mia më të mëdha kanë qenë me Lulzim Bashën, por ta dija që është në atë zyrë do të shkoja dhe do ta takoja atë. Ai është deputet i PD”, deklaroi lideri historik i demokratëve, Sali Berisha nga selia blu.
