Gazeta RD
Anëtari i Komisionit të Rithemelimit të PD, Ivi Kaso ka sqaruar edhe njëherë për mediat vendimin e marrë nga gjykata e Tiranës dhe pretendimet e shfaqura nga selia e PD-së, prej Enkelejd Alibeajt.
Kaso u shpreh se nuk ekziston ndonjë funksion si nënkryetar në detyrë i PD-së.
“Komisioni i Rithemelimit kryen funksionet e kryetarit të PD-së, dhe të kryesisë. Nuk ekziston një funksion si kryetar i emëruar, një nënkryetar në detyrë. Nuk ka një sekretariat.
Këto janë vendime që janë marrë nga demokratët në kuvendin e 11 dhjetorit.
Ankimime nga palë që nuk kanë lidhje me PD-në, duan që të zvarrisin siç kanë bërë deri më tani, apo duan që të krijojnë idenë se ka një çështje e një diskutim.
Tani pritet që të mblidhet Komisioni i Rithemelimit ku do të merren vendimet mjaft të rëndësishme, në të mirë të demokratëve”, tha gjatë fjalës së tij, anëtari i Komisionit të Rithemelimit të PD-së, Ivi Kaso.
