Komisioni i Rithemelimit mblidhet sërish në Selinë e PD 

Komisioni i Rithemelimit do të zhvillojë këtë mbrëmje një mbledhje në selinë e Partisë Demokratike ndërsa pritet të ketë edhe ndonjë deklaratë për mediat. Në këtë mbledhje pas njohjes nga gjykata të Kuvendit të 11 dhjetorit, do të jetë i pranishëm edhe lideri historik i PD, Sali Berisha i cili sapo ka mbërritur në selinë blu.

Siç shihet më pamjet e siguruara në oborrin e selisë së Partisë Demokratike kanë mbërritur edhe anëtarët e Komisionit të Rithemelimit, Albana Vokshi, Gent Stazimiri, Edi Paloka, Klevis Balliu, Mimoza Hajdarmataj.

Më herët gjatë ditës së sotme, Sali Berisha së bashku me disa përfaqësues nga Komisioni i Rithemelimit, u takuan me kryetarin e komanduar të PD-së, Enkelejd Alibeajn dhe Sekretarin e Përgjithshëm Gazmend Bardhi.

Më pas, në një konferencë për mediat, Berisha deklaroi se gjatë bisedimeve u shtrua çështja e bashkimit të demokratëve me anë të votës së lirë.

About Redaksia

Check Also

Gazetari italian: Si u zhduk emri i Olsi Ramës nga hetimet e grupit ta kokainës

Gazetari i RAI3, Giorgio Mottola zbuloi se si u arrit te investigimi që ka tronditur …

Leave a Reply