Kodi i heshtjes, apo qeveria e heshtjes!

Nga Alba KEPI

Pas indiferencës, arrogancës, gënjeshtrës e mashtrimit të pushtetëshëm, në Shqipëri po shfaqet një tjetër fenomen akoma më i rrezikshëm.

Quhet heshtja, që në sjellje e formë ka kodin e saj, përcjell e kapton sinjale me harac të gjithë shoqërinë.

Kodi i heshjtes, nuk është gjë tjetër vec një nga elementët e strukturës së kulturës së një sistemi mafioz, grupi mafioz, e të figurës së një mafiozi.

Kodi i heshtjes është nevoja për të bërë rregullin tënd pa nevojën e ligjeve.

Në fjalorët më të mirë të botës kur flitet për sistem mafioz, fjala heshtje, shpjegohet si baza e ekzistencës së tij.

Heshtja është formë solidariteti me botën e krimit, heshjte ndaj një vepre kriminale për të penguar ndëshkimin e saj, heshtje ndaj gabimeve për të mbrojtur interesat personale, heshtje nga pasojat e krimeve.

Heshtja ose më mirë kodi i heshtjes është formë përurlje e mjet nënshtrimi ndaj rregullave të botës së krimit.

Kodi i heshtjes është frika!

Frika për të mos u ekspozuar, për të mos komentuar, për të mos denoncuar emra e fakte me rrjedhë pasoja. E fuqia e krimit, sistemit mafioz, grupit mafioz, mafiozit mbështetet tek heshtja!

Këto tre-katër vitet e fundit, pushteti në Shqipëri ka prodhuar megaskandale që mund të shkundinin qeverinë e cdo vendi në botë, qoftë i botës së tretë apo i vendeve në zhvillim!

Minsitra, drejtorë, funskionarë të lartë, deputetë, njerëz në postet më strategjike për sigurinë e rendin kombëtar, janë përfshirë në to, sic janë përfshirë dhe toka e pasuri kombëtare të grabitura e njëherësg të mbrojtura nga Kushtetuta.

Heshtje dhe përballe gjobave që qytetarët duhet të paguajne nga gabimet e shtetit.

Përballë gjithckaje vec heshtje!

E keqja thuhet se vë rrënjë, kur pèrsoni nis e beson se është më i mirë se të gjithë e me arrogancë arkitekton shkatërrimin,

Ndërsa heshtja, ah heshtja përballë këtij shkatërrimi vret njësoj si mafia e me harac të gjithë Shqipërinë!

Mafia blen me heshtje gjithcka që është në shitje dhe shpirtin e personave e “Pushteti ka nevojë për mafian për të mbnrojtur veten”, shkruan një prokuror i njohur antimafia.

Problemi madhor ështe të kuptojmë se po vepron një kod heshtje apo nje qeverisje heshtje?!

About Redaksia

Check Also

Republika e Mafias

Nga Luçiano BOÇI Në një shkrim pa bujë por me plot kuptim një gazetar i …

Leave a Reply