Misteri i një sarkofagu 19 metra poshtë Notre Dame

Një zbulim në Notre Dame po konsideerohet i rrallë dhe befasues. Midis statujave, ikonave dhe arit, shkencëtarët kanë gjetur një sarkofag misterioz që është ruajtur në gjendje të shkëlqyer. Ai ndodhej rreth 19 metra në tokë dhe u zbulua në momentin e rindërtimit të katedrales së famshme të Parisit, e cila pësoi dëme të mëdha nga zjarri i rënë tre vite më parë, duke shkatërruar një pjesë të madhe të saj.

Zbulimi është bërë të martën dhe është bërë i ditur vetëm të enjten, ndërsa shkencëtarët po shqyrtojnë se kujt i përket skeleti, çfarë gjinie ishte dhe në çfarë gjendje ishte shëndeti i tij kur dha shpirt.

Të dhënat e para thonë se daton në shekullin e 14-të. Megjithatë, u gjet në një zonë ku kishte një sistem ngrohjeje të shekullit të 19-të. Ka një lartësi prej 1.95 metra dhe një gjerësi prej 48 cm. Siç theksojnë ekspertët, mënyra e varrimit konsiderohet e “çuditshme dhe e rrallë”. Besohet se i ndjeri i përkiste elitës së kohës.

Specialistët me një mikrokamerë mundën të shihnin një pjesë brenda sarkofagut. Ata panë majën e skeletit, një jastëk me gjethe dhe ndoshta lesh. Se ku ndodhet tani, mbahet sekret nga autoritetet. Kjo për shkak se është e përcaktuar nga ligji francez.

Sipas autoriteteve, ky zbulim nuk trajtohet si një gjetje arkeologjike, por si një organ që po ekzaminohet se kujt i përket. Siç theksojnë autoritetet, “trupi i njeriut nuk është objekt arkeologjik”. Ai trajtohet si një organ, për të cilin ka ligje të veçanta që zbatohen në këto raste.

Shkencëtarët nuk e fshehin habinë dhe kuriozitetin e tyre për të zbuluar sekretet që janë varrosur së bashku me… personin misterioz që u gjet i varrosur brenda katedrales historike.

About Redaksia2

Check Also

Sot ditëlindja e poetit martir Havzi Nela

Havzi Nela, poeti martir, u lind më 20 shkurt 1934 në Kollovoz të Kukësit. U …

Leave a Reply