Gazeta RD
Ish-Kryeministri Sali Berisha deklaroi se, rruga e vetme dhe më e sigurtë për t’i dhënë fund rrokullisjes së madhe në arsim është pjesëmarrja aktive e studentëve dhe pedagogëve në një betejë deri në fitoren e kauzës së drejtë të tyre.
Lideri historik i PD iu rikthye ngritjes studentore tre vitë më parë për të cilën theksoi se, të rinjtë nuk kishin besim tek opozita e Lulzim Bashës pasi nuk ka qenë një avokat i vërtetë i tyre.
Ish-Kryeministri theksoi se, ajo kohë ka marrë fund dhe ai do të mbështesë çdo kauzë të studentëve dhe pegagogëve në universitetet e Shqipërisë ndërsa ju bëri thirrje atyre të protestojnë.
“Lwvizja e universitetit para 3 vitesh nuk realizoi qëllimet e saj, ishte shumë e drejtë. Nuk i realizoi sepse opozita nuk kishte besimin e tyre. Të rinjtë nuk i besonin opozitës.
Nëse do i besonin ajo do përmbushte misionin e vet. Kjo është e vërteta, ata ishin të mençur dhe kishin të drejtë mos t’i besonin opozitës sepse këta të fundit nuk kanë qenë avokatët e vërtetë të tyre.
Kjo situatë ka marrë fund. Do përkrahim dhe do mbështesim çdo përpjekje të pedagogëve e studentëve për të shënuar një kthesë të madhe për të ndaluar këtë rrokullisje me pasoja shumë të rënda për Shqipërinë dhe kombin shqiptar”, tha Berisha.
