Përballë banorëve të Rinasit, të cilët kërkojnë lirimin e rrugës, janë vënë Forcat e Ndërhyrjes së Shpejtë.
Për disa minuta ka pasur dhe tension dhe përplasje mes banorëve dhe forcave të FNSH me skafandra. Të paktën një person mbeti i plagosur.
“Shkoni kapni kriminelët. Me ne bëheni trima. Ne kërkojmë të drejtën për të kaluar kalamajtë,” tha një banor.
Pas tensionit u lirua një korsi e rrugës.
Ndërkohë në lidhje me ngjarjen reagoi edhe lideri historik i demokratëve, Sali Berisha.
“Ndal terrorit policesk ndaj banorëve që protestojnë për rrugën e tyre!” shkruan Berisha.
Paraditja e sotme ishte dita e dyte e protestës së banorëve të fshatit Rinas kundër vendimit të ARRSH-së që rruga drejt aeroportit të ishte me një sens.