Berisha: PD do vazhdojë të dëmshpërblejë çdo detyrim për ish-të burgosurit politikë

Ish-Kryeministri Sali Berisha i cili më 22 maj garon për kryetar të Partisë Demokratike sot ka zhvilluar një takim me demokratët e Lezhës teksa shpalosi platformën e tij për drejtimin e selisë blu. Berisha tha se PD ekzistencën e saj ja detyron guximit, përkushtimit dhe momenteve më të vështira të të përndjekurve politikë.

“Si parti e lirive dhe të drejtave të njeriut, ish-të burgosurit dhe të përndjekurit politikë, sakrifikuan më shumë se gjithë të tjerët për liri dhe të drejta. PD do mbetet parti e lirive dhe të drejtave njerëzore.

PD do vazhdojë të dëmshpërblejë çdo detyrim që shoqëria shqiptare ka ndaj tyre. Ky është një proces jetik për moralin e shoqërisë shqiptare. AND-ja e PD janë vuajtjet dhe sakrificat e të përndjekurve politikë. Në shkolla do futet teksti për barbaritë e diktaturës komuniste në Shqipëri. E domosdoshme, të kapitalizohet si ndërgjegje kombëtare ajo që ndodhi me ne”, tha Berisha.

Berisha tha se, Sorosi është mafia më e rrezikshme ndërkombëtare.

“Ne i rikthyem vendit opozitën e vërtetë, i rikthyem pluralizmin, rikthyem Partinë Demokratike. Në këtë rrugë ne kishim vështirësi të mëdha dhe forca e vetme e jona ishte forca e idealeve. Ne kishim kundër një qeveri pa ligj dhe pa moral.

Ne kishim kundër ndoshta edhe mafien më të rrezikshme ndërkombëtare, atë të Sorosit. Censura, kërcënime të ndryshme u bënë ndaj jush”, tha Berisha.

Ai u shpreh se të gjitha këto kanë dështuar. “Ne arritëm në një betejë epike kundër autokracisë, e cila kërkonte të mos kishte opozitë në Shqipëri”, tha Berisha nga Lezha.

About Redaksia

Check Also

Lubonja: Kemi një bandë të madhe që ka krijuar një sistem për të mbajtur në pushtet Edi Ramën

Analisti Fatos Lubonja në një lidhje Skype me emisionin “Open”, tha se nga dosja Metamorfoza …

Leave a Reply