Gazeta RD
Ish-Kryeministri Sali Berisha ndodhet këtë pasdite në Vlorë ku do të takohet me demokratët në kuadër të zgjedhjeve për kryetar të PD. Para se të takonte demokratët Berisha vendosi lule në Monumentin e Hasan Prishtinës.
Berisha tha se, është nder i veçantë të përulet para një tribuni të njërit prej ideatorëve më kryesorë e luftëtarëve e mendimtarit më vizionar të pavarësisë së Shqipërisë.
“Shpreh falenderimet e mia për të gjithë ata që bënë të mundur që sot ky burrë i madh i kombit të qëndrojë në Vlorën e Pavarësisë, në Vlorën e Ismail bej Qemalit. Ky është moment i veçantë”, tha Berisha.
